VIGAN CITY – Bimmaba iti sangapulo ket tallo iti aktibo a kaso iti Ilocos Sur ta manipod iti 111 a nairekord idi August 28 ket adda laengen ita iti siam a pulo ket walo.
Nanayunan met iti duapulo ket dua iti baro a nalaingan a nangitundaan iti 22,210 a total recoveries idinto a siam iti nainayon nga aktibo a kaso isu nga umaboten iti total cases a 22,691.
Awan met iti nainayon a pimmusay isu nga agtaltalinaed a tallogasut walopulo ket tallo iti pakabuklan a total deaths.
Kadagiti aktibo a kaso ket kaaduan idiay Bantay ta sangapulo ket lima iti nairekord; sumaruno iti siudad iti Vigan a walo; sag-pito iti siudad ti Candon ken iti ili ti Narvacan; sag-lima idiay Caoayan, Magsingal, Sinait, Sta. Maria ken Tagudin; sag-uppat idiay Salcedo, Santa ken Sta. Cruz.
Sag-tallo idiay Cabugao, Cervantes, Sta. Catalina ken Sta. Lucia; sag-dua idiay Burgos, Galimuyod, San Juan, San Vicente, Sto. Domingo ken Suyo.
