VIGAN CITY – Nanayunan pay iti pito nga aktibo a kaso ti covid-19 iti probinsia isu nga umaboten ti innem a pulo ket maysa iti agdama a na-covid.
Adda pay dua a nainayon a pimmusay a gappuanan ti tallogasut pitopulo a total deaths idinto a tallo iti nalaingan a gappuanan ti 21,617 ti total recoveries.
Kaaduan latta ti aktibo a kaso iti siudad ti Vigan nga addaan ti sangapulo ket uppat; sag-pito iti ili ti Bantay ken Sto. Domingo; sag-tallo idiay Candon City, San Juan, Santa, Sta. Cruz ken Tagudin; sagdua idiay Caoayan, Narvacan, Quirino, Salcedo ken San Vicente; idinto a saggaysa diy Cervantes, Galimuyod, Gregorio del Pilar, Magsingal, San Emilio, San Esteban, Sta. Catalina, ken Sta. Maria.
Kabayatanna, manipod nangrugi pandemia idi March 2020 ket umaboten iti 22,048 iti kumpirmado a kaso ti nasao a sakit.
