Sinuspenso ti Department of Tourism (DOT) ti amin nga aktibidad iti asideg ti Bulkang Kanlaon ta immadu dagiti na-displace gapu iti explosive eruption ta umaboten iti 20,000 nga umili.
Segun ti DOT, awan ti naipakaammo nga injuries wenno damage iti tourism-related establishments kasaruno iti panagbettak idi April 8.
Nupay kasta, amin a tourism activities nga asideg iti Mt. Kanlaon pakairamanan ti trek ken panagbisita iti kaasidegna a pagpasyaran kas idiay La Carlota City, Bago City, La Castellana ken dadduma pay iti aglawlaw iti lugar idiay Negros Occidental ket temporaryo a nasuspenso.
Kinuna ti Office of the Civil Defense (OCD) a 48,850 a tattao iti naapektaran iti panagbettak iti duapulo ket walo a barangay idiay Western Visayas wenno Region 6 ken Central Visayas wenno Region 7.
Kadagiti naapektaran ket 8,332 wenno 2,610 a pamilia iti agtaltalinaed kadagiti duapulo ket dua nga evacuation centers idinto nga 11,889 individuals wenno 3,701 a pamilia iti adda kadagiti kabagyan wenno pagtaengan ti gagayyemda.
