VIGAN CITY – Pinasingkedan ni Provincial Information Officer Mike Escobar a saan pay laeng a nalpas iti Kannawidan Festival ditoy probinsia ta agingga pay laeng inton Pebrero 9 iti selebrasyon.
Segun kenni Escobar, maisayangkat itatta nga aldaw iti Barangay Health Workers’ Day a pakipagpasetan dagiti nasurok tallo ribo a barangay health workers a dar-ayan da dati a Senador BongBong Marcos, BHW Partylist Rep. Nica Co, ken 2nd District Rep Christine Singson Meehan.
Kasta pay a misayangkat iti press conference ken day 1 ti boxing competition idiay People’s Coliseum, Sto. Domingo.
Kabayatanna, adda pay dagiti mapaspasungadan nga aktibidad agingga inton Pebrero 9 kas iti Rhythm Fest , Game Foul Expo, Drag Race, 4×4 Challenge ken Invitational Motocross Cup.
