VIGAN CITY – Inbingay ni Seaman First Class Underwater Operator Jeffrey Facundo, ti nagbalin a kapadasanna iti napasamak a harassment ken panagdinnungpar ti barko ti Chinese Coast Guard ken ti Filipino vessel idi June 17 a nagresulta iti pannakaputed ti ramayna.
Segun kenkuana, saan nga aksidente ti napasamak a panangdungpar, ken panangdadael dagiti Chinese dagiti rigid hull inflatable boat (RHIB) no di ket “Intentional”.
Innayonna pay nga iti gagem ti China ket saanda kayat a mangisayangkat ti Pilipinas iti resupply, rotation wenno pagluganen dagiti tropa iti BRP Sierra Madre idiay Ayungin Shoal.
Kabayatanna, ginuyod dagiti Chinese personnel dagiti Philippine RHIBs nga umadayo iti Ayungin Shoal, ken dinadaelda dagiti alikamenda, pakairamanan ti sumagmamano a mobile phone, ken nakumpiskar pay dagiti paltogda.
Saan a dagus a nakaala ni Facundo iti medical attention gapu ta dinadael ti CCG ti rubber boat a maaramat iti medical evacuation manipud iti BRP Sierra Madre.
Ngem idi agarup alas onse ti rabii, nailugan isunan iti Philippine Coast Guard RHIB a mapan iti barko ti PCG a nakapuesto iti 20 nautical miles manipud iti Ayungin Shoal para iti medical evacuation.
VIDEO – Seaman First Class Underwater Operator Jeffrey Facundo
