VIGAN CITY– P80,000 ti pinangareglo ni P01 Victor Allan Naval, agtawen ti 25 , baro ,miembro ti Philippine National Police a nakadestino iti Regional office ken taga Barangay Bungro, Cabugao , tapno saanen a makasuan inaig iti nakariamanan na nga aksidente idiay Barangay Parada, Sto. D omingo idi rabii ti Sabado a nakatayan ti nagmanaeho ti motorsiklo a ni Joshua Alupani, agtawen ti 21 , baro, helper ken taga barangay Macatcatud, Magsingal.
Segun kenni Police Senior Inspector Arcadio Viloria ti Sto. Domingo Municipal Police Station, isagsaganan ti pamilya ni Alupani ti “affidavit of disinterest” tapno saan dan a kasuan ni naval.
Maipalagip a maibasar iti report ket mapapati a nag-overtake ni Alupani isu a nasapgid na ti motorsiklo nga agpamaayanan met laeng a minaneho ni Sonny Boy Ragudo, agtawen ti 22 ken taga Tamorong, Sta.Catalina ket naidungpar iti Toyota vios a minaneho ni Naval a nagapu iti bangir a direksyon.
Gapu iti dayta ket nagsagrap ti saan a nakaro a donor ni Ragudo idinto a ni Alupani ket naideklarar a dead-on-arrival idiay Magsingal District Hospital.
