--Ads--
Awan ti nadangran iti napasamak nga aksidente iti Darapidap Road, Barangay San Isidro, Candon City, Ilocos Sur.
Ti Toyota HiAce ket minaneho ni Nathaniel Vinluan Francisco, agtawen iti tallopulo ket walo, taga-6 Molave Subdivision, Marikina Heights, Marikina City.
Ti met Mitsubishi Adventure ket minaneho ni Joharie Mangulab Baltazar, agtawen iti duapulo, taga-Barangay Lesseb, Burgos.
Agpapadaya ti HiAce idinto nga adda iti bangir a linya ti Mitsubishi Adventure.
-- ADVERTISEMENT --
Idi madanonda ti nakapasamakan ti aksidente, immagaw ti linya ti Mitsubishi Adventure ket nadungparna ti akin-kanngid a paset ti HiAce.
Agpada nga adda dadael dagiti dua a lugan.
