Maysa ti nadunor iti napasamak nga aksidente iti national highway ti Barangay Calaoa-an, Candon City, Ilocos Sur a nakairamanan ti dua a lugan.
Ti Toyota Innova ket minaneho ti agtawen iti uppat a pulo ket tallo a lalaki, branch manager ti bangko, inluganna ti maysa a babai nga agtawen iti uppat a pulo ket tallo, marketing officer ti bangko, tallo nga ubbing nga agtawen iti sangapulo ket maysa, walo, ken uppat ken ti maysa pay nga agtawen iti duapulo ket tallo, agpapada a taga-Candon City.
Kabayatanna, ti met Dropside Truck ket minaneho ti maysa a lalaki nga agtawen iti tallopulo ket pito, taga-Barangay Disimpit, Jones, Isabela.
Agpapa-abagatan ti Toyota Innova idin ta nagdungsa ti drayber ket naidungpar iti sango a paset ti trak a nakaparking iti laud a paset ti kalsada.
Saan a naan-ano dagiti drayber, agraman dagiti uppat a pasahero, ngem ti maysa a pasahero ti nadunor ti mugingna a naipaagas iti ospital para iti pannakatamingna.
