Tallo ti nadangran iti napasamak nga aksidente iti San Juan Street, Barangay San Jose, Candon City, Ilocos Sur.
Ti Yamaha Mio125 ket minaneho ti agtawen iti duapulo ket innem, taga-Barangay Paras, backride-na ti agtawen iti sangapulo ket siam, taga-Barangay Bagani Tocgo.
Ti met Honda Supremo ket minaneho ti agtawen iti tallopulo ket walo, backride-na ti agtawen iti tallopulo ket walo nga agpada a taga-Barangay Coldit, Asingan, Pangasinan.
Agpapadaya ti Mio idinto nga agpaabagatan ti Supremo, ket idi nadanon ti nakapasamakan ti aksidente, kangrunaan iti intersection, nagpreno ti Supremo ngem nadungpar ti Mio ti akin-kannigid a pasetna.
Agalen ti drayber ti Mio ti nasakit a barukongna, idinto a ti backrider-na ket nadunor ti muging ken akin-kannigid a pingpingna.
Saan met a naan-ano ti drayber ti Supremo ngem ti backrider ket agalenna ti nasakit a sakana.
Naipaagasda amin iti ospital para iti naan-anay a pannakatamingda.
