--Ads--
Innem a pulo ket walo ti nainayon a road traffic incident a namonitor ti Department of Health, isu a ti total cases ket umaboten iti uppat a gasut sangapulo ket walo.
Segun iti DOH, dagiti aksidente iti kalsada ket nairekord manipud December 22 agingga alas sais iti agsapa iti December 29, 38 percent a nangatngato daytoy ngem iti nairekord idi napan a tawen.
Manipud iti pakabuklan a bilang ti insidente, 291 ti motorsiklo ken pitopulo ket walo ti kaso dagiti nakakainom.
365 dagiti saan a nagusar iti safety accessories idi napasamak ti aksidente.
-- ADVERTISEMENT --
Nagpalagip ti DOH iti publiko nga agusar iti helmet no agmotorsiklo ken ag-seatbelt no agmaneho iti kotse.
