VIGAN CITY – Awan ti nadangran iti napasamak nga aksidente iti kabaybayan ti Barangay San Pedro, Narvacan a nakairamanan dagiti kameng ti Narvacan Police Station.
Dagiti karaman iti aksidente ket da Police Chief Master Sergeant Benny Lanas Cabanas, Police Staff Master Sergeant Murphy Caban Caban ken ni Police Corporal Jeric Ace Garcillan Abaoag, Police Corporal Justine Romero Tamayo,
Nagresponde dagiti pannakabagi ti linteg idi naawatda ti tawag manipud ken ni Barangay Captain Ernie Molina inaig ti mapapati nga iligal a panagkalap babaen iti nausar a compressor.
Dua a banca ti nausar a ti maysa ket nagluganan da Pcpl. Cabanas ken ni Tamayo idinto a ti maysa pay ket nagluganan met da PSMS Caban ken PCpl Abaoag.
Bayat ti panagturongda iti pagrespondeanda a paset ti kabaybayan, bigla a dimteng ti dalluyon a nangpattog iti bangka a nagluganan da Police Chief Master Sergaeant Cabanas ken ni Police Corporal Tamayo.
Ni Police Corporal Tamayo ket napukawna met ti armasna a limned iti danum nga isu ita ti agdama nga inda sapsapulen.
