VIGAN CITY– Maysa ti natay ken maysa iti nadundunor gapu iti napasamak nga aksidente iti National Road Poblacion, Suyo a nakairaman ti Rusi 125 motorcycle ken Isuzu Jeep.
Nabigbig ti driver iti motorsiklo a ni Joker Lamarca Jornacion, agtawen iti tallopulo, mannalon, ken residente ti Kinmarin, Salcedo, Ilocos Sur, iti met bakcrider na ket ni June Salay Capulas, agtawen iti uppat a pulo ket dua, awanan trabaho, ken residente iti Brgy.Pidpid, Sta.Cruz; idinto a ti driver ti jeep ket ni Fernando Bagsang Daoa, agtawen iti uppat a pulo ket innem, mannalon, ken residente ti Brgy. Suyo Proper, Suyo.
Agturong iti laud ti motorsiklo idinto a ti jeep ket iti bangir a linya, ket idi nakadanonda iti nakapasamakan ti aksidente, immagaw ti linya ti motorsiklo a gapuanan ti panagdinnungparda.
Naipan ti driver ti motorsiklo iti Ilocos Sur District Hospital Tagudin ngem naideklara a Dead on Arrival, idinto a ti backride na ket nagsagaba ti dunor iti nagduduma a paset ti bagi na.
Saan met a naan-ano ti driver ti jeep ngem naipan ti Suyo RHU para iti medical examination.
