VIGAN CITY – Nakaru a dunor ti sinagaba ti maysa a lalaki gapu ti pannakadungparna ti maysa a kotse idiay Brgy. Cabaritan, Sto. Domingo.
Dagiti karaman iti aksidente ket da Joshua Jonathan Gapate Dangio, agtawen ti duapulo ket maysa, baro, college student nga agnaed idiay Brgy. Calumbaya, Galimuyod a nagmaneho iti nalabbaga a Toyota Vios idinto a ti nagmotorsiklo ket ni Dennis Tinio Soliven, agtawen ti tallopulo ket tallo, baro, STL Sales representative nga agnaed idiay Brgy. Pangpangdan, Sto. Domingo.
Maibasar iti inisyal nga imbestigasyon, agpapalaud a direksyon ti nakamotorsiklo idi naawanan ti control ti manibelana a gappuanan ti pannakaipanna iti daya a paset ti kalpasada nga ayan ti sumungad a kotse a gappuanan ti pannakaidungparna.
Gapu ti dayta, nagsagaba ti nakaru a dunor ti nagmotorsiklo isu a naipan iti Northside Doctors Hospital, Bantay para iti pannakatamingna idinto a saan a naan-ano ti driver ti kotse pakairamanan dagiti pasaherona.
