VIGAN CITY -Kumpirmaran ti Lidlidda Municipal Police Station a maysa ti pimmusay iti napasamak nga aksidente idiay Brgy. Labut a nakairamanan ti maysa a mini dump truck.
Nabigbig ti pimmusay a ni Francis Rufino agnaed ti probinsya ti Abara ken nadundunor dagiti dua pulo ket dua a kakadduana a nakalugan.
Iti pannaki-uman ti Bombo Radyo Vigan kenni PLt. Medward Galay, hepe ti Lidlidda Municipal Police Station, naggapo dagiti biktima a napan nagdidigos idiay ili ti Santiago a nagselebrar iti pannagabak idi napalabas nga eleksyon dagiti opisyal ti Tubo, Abra.
Saan a nakontrol ti manibela ti driver ti Blue Mini Dump Truck a ni Marlon Carino Abaten, agtawen uppat a pulo dua kabayatan a daldalyasaten da ti kalsada iti nasao a barangay.
Innayon ni Galay a nabartek ni Abaten a nagmaneho ti mini dump truck a maysa a rason no apay a naaksidenteda.
Ti agdama nakaawiden dagiti dadduma a nakalugan ti nasao a truck ken adda pay ti naka confine ti ospital ta nakaro ti sinagabada a donor.
