VIGAN CITY – Dua a tao ti nadunor gapu ti napasamak nga aksidente idiay Brgy. Suso, Suyo, Ilocos Sur.
Nabigbig ti nakalugan ti Black/Red TMX 125 MC nga awan ti plaka na a ni Jhay Rhon Suyom, agtawen ti duapulo ket pito, baro ken ti backrider na a ni Ivory Salay, agtawen ti duapulo ket uppat nga agpada a taga-Brgy Pidpid, Sta. Cruz ken ti driver ti BMW Big bike MC, black/white, awan ti plate no. na a minaneho ni Quinton Timothy Batena, agtawen ti tallopulo a taga-Las Piñas City.
Maibasar ti imbestigasyon, sakbay ti aksidente agpada nga agpapalaud a paset ti kalsada idi nag-flasher a mapan iti kannigid a paset ti kalsada iti TMX idi natukbob ti napaspas a taray ti BMW big bike a nangitunda iti pannakaipurwak ti driver ken ti inlugan na.
Naipan dagiti biktima iti Tagudin District Hospital, Brgy. Bio, Tagudin para iti pannakatamingda idinto a saan a naan-ano ti driver ti big bike.
