Dua ti nadangran ti napasamak nga aksidente iti diversion road sakupen ti Brgy. Beddeng Laud, Vigan City.
Ti nagmaneho ti Suzuki Raider motorcycle ket agtawen iti sangapulo ket walo residente ti Barangay Paing, ili ti Bantay.
Ti met pedestrian ken agtawen iti limapulo ket dua, residente ti Barangay Don Dimas, Caoayan, Ilocos Sur.
Sakbay ti insidente, ti motorsiklo ket agturong iti amianan a direksion idinto a ti pedestrian ket agjog-jogging iti nadakamat a lugar nga agpapa-amianan.
Idi nagteng da ti nakapasamakan ti insidente, partikular iti kurbada a paset ti kalsada, ti drayber ti motorsiklo ket naawanan ti kontrol isu nga aksidente a nadungparna ti pedestrian.
Gapu dayta, nadunor iti nadumaduma a paset ti bagi ti nagmaneho ti motorsiklo ken ti pedestrian nga agpada a naipan iti balay pagagasan para ti naan-anay a pannakatamingda.
Naammuan a nga adda ti impluwensia ti arak ti nagmaneho ti motorsiklo idi napasamak ti insidente.
