Nadunor iti agduduma a paset ti bagi dagiti karaman iti aksidente a napasamak idiay Suyo-Cervantes Road, Barangay Urzadan, Suyo Ilocos Sur.
Ti nagmaneho ti Rusi 150 motorcycle ket agtawen ti duapulo ket maysa, back-rider na ti agtawen ti duapulo ket siam, agpada da a mannalon ken residente ti Barangay Batbato, Alilem.
Basar iti imbestigasion, agturong iti daya a direksion ti motorsiklo ket idi nagteng da ti kurbada a paset ti kalsada, na-overshot ken naawanan ti kontrol ti drayber ti lugan rason ti pannaka-aksidente da.
Nagsagaba ti dunor iti agduduma a paset dagiti dua a dagus da a naipan iti balay pagagasan para ti naan-anay a pannakataming-da.
Saan a nakasuot ti helmet dagiti dua ken naammuan nga adda iti impluwensia tin arak iti bagi idi napasamak ti insidente.
