Maysa ti nadangran iti pannakatukbob ti motorsiklo iti pick-up idiay provincial road Barangay Pangada, ili ti Sta Catalina.
Ti driver ti Ford ranger ket agtawen iti limapulo ketn innem, residente iti nadakamat nga ili.
Ti met nagmaneho ti Honda beat motorcycle ket agtawen iti tallo pulo ket innem, residente idiay Barangay Anonang Menor, Caoayan Ilocos sur.
Basar iti imbestigasyon, agpada nga agpapadaya a direksion dagiti dua a lugan ket idi nadanon da ti nakapasamakan ti insidente, ginandat ti pick up nga agpakannigid tapno ag-parking iti uneg ti pagtaengan dan idin ta aksidente a natukbob daytoy ti motorsiklo.
Naawanan iti kontrol ti drayber ti motorsiklo isu a naidungpar pay iti concrete pavement.
Gapu daytoy, nagsagaba ti gasgas ken dunor itibagi ti drayber ti motorsiklo a dagus a naipan iti balay pagagasan para ti naan-anay a pannakataming na.
Saan a naan-ano ti drayber ti pick-up iti napasamak nga aksidente.
