Maysa ti nadangran iti napasamak nga aksidente iti along national highway sakupen ti Barangay Guimod, ili ti Bantay.
Ti nagmaneho ti Toyota Fortuner ket agtawen iti uppat a pulo ket siam, residente ti Barangay Capangdanan, Bantay.
Ti met nagmaneho ti Yamaha Aerox ket agtawen ti sangapulo ket siam, residente ti Barangay Bayubay Sur, San Vicente, Ilocos Sur.
Basar iti CCTV footage, ti Fortuner ket agturong iti bagatan a direksion nga adda iti inner lane ti national highway, idin ti Aerox a naggapu iti barangay road iti daya a paset ti kalsada ket kellaat a simrek iti highway a mapan iti laud a paset ti kalsada.
Nadungpar ti Fortuner iti kannigid a paset ti Aerox a nagresulta-an ti pannakadunor iti nadumaduma a paset ti bagi ti nagmaneho ti motorsiklo a naipan iti balay pagagasan para ti naan-anay a pannakatamingna.
Saan a naan-ano ti drayber ti Fortuner iti napasamak nga insidente.
