--Ads--
VIGAN CITY – Na-fracture iti makinkannawan a saka ti nagmaneho iti Honda Click 125 gapu iti pannakaaksidentena idiay Brgy Sto Rosario, Sigay.
Nabigbig ti driver a ni Jessie de Guzman Reyes Jr, agtawen iti tallopulo ket tallo, J&T delivery driver manipod Brgy. Bolaoen, Bugallon, Pangasinan ngem agdama nga agnanaed idiay Brgy Baybayabas, Santiago.
Agdaldaliasat nga agpapaabagatan ti driver, ket idi makadanon iti nakapasamakan ti aksidente ket naawanan ti preno a nakaigapuan a naawanan iti kontrol ti manibela a rason ti pannakadungparana ti kayo, isu a naipurwak ti driver iti motorsiklona.
Naipan ti driver iti Ilocos Sur District Hospital-Tagudin para iti naan-anay a pannakataming na.
-- ADVERTISEMENT --
