2 ti nadunor iti napasamak nga aksidente iti provincial road ti Barangay San Sebastian, San Vicente, Ilocos Sur.
Karaman iti aksidente ti maysa a traysikel a minaneho ti lalaki nga agtawen iti tallopulo ket lima, taga-Barangay Ayusan Sur, Vigan City, inluganna ti maysa nga agtawen iti sangapulo ket pito ken maysa nga agtawen iti sangapulo ket dua, agpada a taga-Barangay Bantaoay, San Vicente.
Ti met motorsiklo ket minaneho ti maysa a lalaki a taga-Barangay San Sebastian iti nasao nga ili.
Agpapa-amianan ti traysikel idinto nga agpapalaud met ti motorsiklo, ket idi madanonda ti nakapasamakan ti aksidente, saan a nakontrol ti nagmotorsiklo ti manibela ti luganna isu a nadungparna ti traysikel.
Gapu dayta, nagasgasan ti drayber ti motorsiklo idinto a ti pasahero ti traysikel ket nadunor ti ulona.
