VIGAN CITY – Awan ti nadangran kadagiti drayber ti lugan a karaman iti aksidente iti national highway idiay Barangay Cameztisoan, Sto. Domingo ngem ti maysa nga ubing a pasahero ti agalenna ti sakit ti bagina.
Dagiti karaman a lugan ket ti Toyota Innova a minaneho ni Arsenio Raboy Alarca, agtawen iti limapulo ket walo, retirado a bumbero, taga-Barangay Barbarit, Magsingal.
Ti met Toyota Fortuner ket minaneho ni Franklin Ingosan Ugnayon, agtawen iti uppat a pulo ket dua, agnaed iti Purok 7, Apugan, Irisan, Baguio City.
Agpapa-amianan ti Innova idin ta saanna a nakontrol ti manibela ti lugan ket nasagidna ti akin-kannigid a paset ti Fortuner a nakasabetna, ket naipan iti kataltalunan.
Nupay kasta, saan a naan-ano dagiti nagmaneho ngem ti agtawen-iti-sangapulo ket maysa nga ubing a naglugan iti Fortuner ket isu ti naipaagas iti ospital para ti pannakatamingna.
