Maysa ti nadangran iti napasamak nga aksidente iti provincial road ti Barangay Bantaoay, San Vicente, Ilocos Sur a nakairamanan ti dua a lugan.
Ti Toyota Hi-Lux ket minaneho ni Ener Tabuno Remular, agtawen iti uppat a pulo ket pito, taga-Bantaoay, San Vicente.
Ti met Blue Racal MD 100 a motorsiklo ket minaneho ni Danny Rosal Domenden, agtawen iti duapulo ket walo, taga-Barangay Pudoc, San Vicente.
Iti pannaki-uman ti Bombo Radyo Vigan ken ni Police Captain Pedro Halover, ag-U turn ti Hilux idin ta ti napaspas ti tarayna a motorsiklo nga aggapu iti abagatan nga agpaamianan ket naidungpar iti Hilux.
Gapu dayta, natukkol ti saka ken nadunor ti rupa ti drayber ti motorsiklo a naipaagas iti ospital para iti pannakatamingna idinto a saan a naan-ano ti drayber ti Hilux.
Agpada a nakainom dagiti drayber idi mapasamak ti aksidente.
