Dua ti nadunor iti napasamak nga aksidente iti national highway, Barangay Catayagan, Sta. Lucia, Ilocos Sur.
Nabigbig ti nagmaneho iti Isuzu truck a ni Johny Pagaduan Malto, agtawen iti uppat a pulo ket walo, inluganna ni Christian Joey Pascua, agtawen iti duapulo ket pito, taga-Barangay Culao, Claveria, Cagayan.
Ti met nagmaneho pay iti maysa nga Isuzu truck ket ni Reynaldo Mamaclay Domingo, agtawen iti limapulo ket uppat, truck driver, inluganna ni Regino Catabay Domingo, agtawen iti duapulo ket lima, agpadada a taga-San Nicolas, Ilocos Norte.
Kabayatanna, ti pay nagmaneho iti truck a maysa ket ni Jaysar Desuasido Betonio, agtawen iti tallopulo ket tallo, inluganna ni Lester Sarmiento Pablo, agtawen iti tallopulo ket tallo, taga-Pulilan, Bulacan.
Agpapa-abagatan ti trak a minaneho ni Malto idin ta bimtaj ti pilidna ket naidungpar iti kato ti mangga iti daya a paset ti national highway.
Ti met dua a trak manipud iti bangir a linya ket pinadasda ti aglisi ngem nakadinnungparda latta ti trak a minaneho ni Malto.
Gapu dayta, nadadael dagiti dua a trak a minaneho da Domingo ken Betonio.
Nadunor met da Malto ken ni Pascua a naipaagas iti ospital para iti pannakatamingda.
