Tallo ti nadunor iti napasamak nga aksidente idiay Barangay Sabuanan, Sta. Lucia, Ilocos Sur.
Nabigbig ti nagmaneho iti traysikel a ni Alvin Ledesma Pascua, agtawen iti tallopulo ket lima, inluganna dagiti dua nga ubbing nga agtawen iti sangapulo ket tallo ken walo, nga agpapada a taga-Barangay Pila East.
Ti Isuzu truck ket minaneho ni Ronaldo Bandolin Galleta, agtawen iti limapulo ket innem, taga-Barangay Paoc Norte.
Kabayatanna, ti met Mitsubishi Montero ket minaneho ni Edgar Jimeno Ancheta, agtawen iti innem a pulo ket uppat, taga-Barangay Bao-as.
Agpapa-abagatan ti traysikel idinto nga adda iti bangir a linya ti truk ket idi magteng ti nakapasamakan ti insidente, nagsikko iti kannigid ti trak a puon ti panagdinnungparda.
Gapu iti impact ti aksidente, naidungpar pay ti traysikel iti agpapa-amianan a Mitsubishi Montero.
Nadunor dagiti naglugan iti traysikel isu a naipaagasda iti ospital idinto a saan a naan-ano dagiti dadduma pay a nairaman.
