VIGAN CITY – Maysa ti natay iti napasamak nga aksidente idiay Barangay San Jose, Narvacan, Ilocos Sur a nakairamanan ti maysa a motorsiklo, White Mitsubishi L300 ken maysa a traysikel.
Nabigbig ti drayber ta ni Eric Abuan Vargas, agtawen iti uppat a pulo ket tallo, agnaed iti Barangay Turod, Narvacan.
Ni met Felipe Cabbab Abellan, agtawen iti tallopulo ket tallo, agnaed iti Barangay Codoog, Narvacan ti nagmaneho iti Blue Motorstar.
Kabayatanna, ti met nagmaneho iti Mitsubishi L300 van ket ni Fernando Reyes Dulay, agtawen iti limapulo ket maysa, agnaed iti 59 Banaag Pineda, Pasig City.
Iti pannaki-uman ti Bombo Radyo Vigan ken ni Police Major Alexander Dangli, agpapa-amianan a direksyon ti traysikel idin ta natukbob daytoy ti napaspas patarayna a motorsiklo a puon ti pannakipurwakna iti bangir a linya ken nadungpar met ti L300 van.
Gapu dayta, nagsagaba iti nakaro a dunor ti nagmaneho iti motorsiklo a naipaagas iti Ilocos Sur District Hospital, Narvacan ngem naideklarar a dead on arrival.
Nupay kasta, nakapagpatang metten ti pamilia ti drayber ti motorsiklo ken drayber ti L300 van ket napagnumuanda nga awanen ti maipila a kaso.
