Tallo ti nadunor iti napasamak nga aksidente iti national highway ti Barangay Bulag East, Bantay, Ilocos Sur.
Karaman iti aksidente ti maysa nga Isuzu Trailer Truck a minaneho ti lalaki nga agtawen iti innem a pulo ket dua, taga-Tanza, Cavite.
Ti motorsiklo ket minaneho ti babai, kinalubbonna ti maysa a babai nga agtawen iti tallopulo ket pito, agpada a taga-Barangay An-annam, Bantay.
Kabayatanna, ti met kotse ket minaneho ti lalaki nga agtawen iti uppat a pulo ket dua, taga-Barangay Banaoang, Santa.
Maibasar iti CCTV footage, agpapa-abagatan ti trak ken motorsiklo idinto nga agpa-amianan ti kotse.
Addada amin iti inner lane idin ta nagsikko ti kotse ket nadungparna ti likudan a pilid ti trak.
Iti dayta a gundaway, saan met a nakontrol ti drayber ti kotse ti lugan ket nadungparna ti sango a paset ti motorsiklo a puon ti pannakatulidda.
Nagsagaba iti minor injuries dagiti nagkalubbon ken ti drayber ti kotse, idinto a saan a naan-ano ti drayber ti trak.
