2 ti nadunor iti aksidente a napasamak iti national highway ti Barangay Sulvec, Narvacan, Ilocos Sur.
Karaman iti aksidente ti maysa a trailer truck a minaneho ti lalaki nga agtawen iti tallopulo ket pito, taga-Barangay Villamor, Cabarroguis, Quirino.
Ti Honda CR-V ket minaneho ti agtawen-iti-innem a pulo ket walo nga American national a taga-San Vicente.
Kabayatanna, ti met motorsiklo ket minaneho ti lalaki nga agtawen iti tallopulo ket maysa a taga-Barangay Paoa, Vigan City.
Agpapa-abagatan ti trailer truck ket idi nadanonna iti kurbada a paset ti kalsada, immagaw daytoy iti linya isu a nagdinnungparda iti sumungad a CR-V.
Pinadas met ti motorsiklo nga umip-ipus iti Honda CRV a lisyan ti panagdinnungpar ngem natukbobna latta ti nasao a lugan.
Nadunor ti nadumaduma a paset ti bagi dagiti drayber ti CRV ken motorsiklo nga agpada a naipaagas iti ospital para iti pannakatamingda.
