--Ads--
Awan ti nadangran iti napasamak nga aksidente iti 25 de Marzo Street, Barangay San Isidro, Candon City, Ilocos Sur.
Karaman iti aksidente ti nai-parking a Toyota Wigo a kukua ti lalaki nga agtawen iti tallopulo, taga-Barangay Baybayabas, Santiago, Ilocos Sur.
Ti met Mitsubishi Mirage ket minaneho met ti lalaki nga agtawen iti duapulo ket lima, agnaed iti Barangay Bagani Gabor, Candon City.
Nai-parking ti Toyota Wigo iti daya a paset ti kalsada idinto a ti Mirage ket agpapa-abagatan ket idi nadanon ti nakapasamakan ti aksidente, natukbob ti Mirage ti Wigo.
-- ADVERTISEMENT --
Nadadael ti likudan a paset ken nagasgasan ti front left ti Wigo idinto a nadadael met ti kannigid a sangwanan a paset ti Mirage.
Nakainom ti drayber ti Mirage idi mapasamak ti aksidente.
