Akin-kukua ti marijuana plantation idiay boundary ti Benguet ken Iloco Sur, maim-imbestigaran

VIGAN CITY – Naballigi iti naisayangkat a marijuana eradication iti panagtitinnulong ti Sugpon Municipal police station, Alilem municipal police station, Philippine Drug Enforcement Agency Region 1, PDEA- CAR ken Regional Drug Enforcement Unit – Region 1 idiay nagbetan ti Kibungan, Benguet ken Sugpon, Ilocos Sur.

Segun ken ni Police Lt. Jerry Arzabal ti Sugpon PNP, nakaawat da iti report inaig iti mapapati a plantasyon ti marijuana iti nasao a lugar isu a nagrespondeda.

Tallo ribo lima gasut a mula a marijuana ken sangapulo ket pito a kilo wennu pakabuklan a dua a milyon a gasut dua pulo ket lima ribo a pisos iti gatad dagiti marijuana stalks iti dinadael dagiti otoridad iti nasao a lugar.

Mapatta- patta a pito gasut a metro kwadrado iti kalawa iti nasao a marijuana plantation.

Adda met iti nakitada a kubo iti asideg iti plantasyon iti marijuana ngem awan met iti nadanonda a tao ken awan iti siasinoman a pagsaludsudanda ta naipakaammo laeng kadakuada iti ayan ti nasao a plantasyon.