Aminado ti Commission on Elections (COMELEC) a saan pay a sigurado nu maipaayan ti exemption ti election spending ban iti panagiwaras ti financial assistance iti salinong ti Ayuda sa Kapos ang Kita Program (AKAP) iti panawen ti kampania ti 2025 National and Local Elections.
Segun ken ni Senate Committee on Social Justice Chairperson Imee Marcos, pinasingkedan ni COMELEC Chairman George Garcia nga agingga ita ket awan pay ti guidelines a naipasa kadakuada iti DSWD isu a saanda a matignayan.
Nasurok P12 billion ti pondo ti AKAP iti kiniddaw ti DSWD a ma-exempt iti election spending ban.
Mangnamnama ni Garcia a maipasa pay kadakuada ti DSWD iti guidelines tapno masimpada sakbay a mangrugi ti election ban kadagiti infrastructure projects ken social services inton March 28.
