Nagiwaras ti lokal a gobierno ti Makati ti rubber shoes wenno ti Air Binay 6.0 a sapatos kadagiti 38,641 nga estudyante nga indauluan ni Mayor Abby Binay idiay Palanan Elementary School.
Malaksid iti sapatos, nagiwarasda pay ti kapote, payong, uniform, bags, tumblers ken dadduma pay.
Ti inisyatiba ket paset iti Free Relevant Excellent Education wenno FREE program ti Makati.
Ti Air Binay rubber shoes ket immuna a naiyam-ammo idi 2017 nga umabot iti 89,862 nga estudiante ti nakaawat kadagiti umuna nga AB sneakers.
Kalpasanna, nairuar ti AB 2.0 idi 2019 ken naited kadagiti 90,000 nga estudiante manipud kindergarten agingga iti senior high school.
Idi 2020, naiwaras ti maikatlo nga iteration ti sneakers, AB 3.0, kadagiti 93,110 nga estudiante a pakairamanan itan dagiti estudiante ti SPED ken ALS.
Nupay kasta, naisardeng ti proyekto kalpasan ti Covid-19 pandemic idi 2021.
Idi March 21 2022, inruar ti gobierno ti siudad ti maikapat a bersion ti sapatos.
Nairuar ti maikalima a bersion ti sapatos idi Enero 27, 2023.
