--Ads--
Nangipeksa iti karirikna ti aktres ken Quezon City Councilor a ni Aiko Melendez kontra iti pananguyaw iti pisikal a langa ti sabali a tao.
Segun ken ni Aiko, saan a nasken a pagbalinen nga ang-angaw ti langa ti maysa a tao ta agduduma ti panagkita ti tunggal maysa iti kinapintas.
Impaganetget ni Aiko a napatpateg ti maaddaan iti nasayaat a puso imbes a ti pisikal a langa, ken inallukoyna ti publiko nga agbalin a rason ti kumpiansa ken ragsak ti sabali, saan a ti insecurities-da.
Numan pay awan ti dinakamatna a nagan, ikonkonektar dagiti sumagmamano a netizen ti sinaritana iti nagbalin a kontrobersia mainaig iti angaw ni Kim Chiu iti maysa a programa panggep iti “lotus feet” ken nairaman ni Ryzza Mae Dizon.
-- ADVERTISEMENT --
