Simsimpaen ti maysa nga espesyal a komite iti kamara a binukel ni House Speaker Faustino Dy III ti P255.5 billion a naikkat manipod proposed 2026 budget iti Department of Public Works and Highways (DPWH).
Naka-realignen iti Budget Amendment and Revision Sub-Committee (BARC) ti P116.3 billion manipod iti naikkat a gatad a kaadoan ket nailatang kadagiti programa iti Ayuda, Department of Health ken Education.
P32 billion iti naipan iti kontrobersyal nga Assistance to Individuals in Crisis Situation (AICS) nga insingasing ni House Minority Leader Marcelino Libanan; P29.2 billion iti Department of Health; P26.5 billion iti Department of Education; P19.1 billion iti Department of Labor and Employment; ken P9.3 billion iti Commission on Higher Education a nababalaw ta adda nabatbati a P15 billion a saan a naaramat idi napan a tawen.
Segun ken ni Nueva Ecija Rep. Mikaela Angela Suansing a chair iti appropriations committee ken BARC, saan pay a napasamak idi a kasapulan nga ag-realign iti kas ti kadakkel a gatad sakbay pau a mangrugi iti deliberasyon iti plenaryo.
Inikkatan ni DPWH Secretary Vince Dizon ti pondo iti ahensya kasaruno iti imbestigasyon iti isyu ti flood control projects manipod P881.3 billion ket nagbali a P625.7 billion laegen.
Impaganetget ni Speaker Dy a gagem ti BARC a dalusan ken simpaen ti proseso iti budget para inton sumaruno a tawen.
