Pinasingkedan iti Philippine Statistics Authority (PSA) a bumasbassit ti bilang dagiti agtutubo a kameng dagiti mangngalap a pamilia ditoy Pilipinas manipud 2012 agingga 2022 ta kaykayatda ti agsapul iti sabali a trabaho a nasaysayaat ti matgedanda.
Uray idi immadu ti bilang dagiti pamilia nga agkunkuna a mangngalap, bimmaba ti average a bilang dagiti mangngalap iti kada pamilia manipud 1.05 idi 2012 agingga iti 1.03 idi 2022, a ti kayatna a sawen ket basbassit dagiti kameng ti tunggal pamilia a manggalap ti aktibo.
Immadu ti bilang dagiti pamilia nga addaan dagiti mangngalap iti 830,954 idi 2022 manipud 760,297 idi 2012.
Kasta met nga immadu ti bilang dagiti mangngalap iti 853,065 idi 2022 manipud 795,070 idi 2012.
Nupay kasta, bimmassit ti bilang dagiti mangngalap nga awan pay limapulo iti tawenda iti uneg ti sangapulo a tawen, idinto ta immadu ti bilang dagiti mangngalap a nasurok a limapulo iti tawenda agpangato.
