Posible nga umabot iti dua ribo a Pilipino ti mapukawan ti trabaho gapu dagiti saan nga agsardeng a pannakailako dagiti peke ken substandard a produkto manipud China
Segun ken ni Deputy Majority Leader Erwin Tulfo, adda dagiti sangapulo ket lima a firm nga immasideg kenkuana a kaadoan ket manufacturers ken resellers dagiti applicances tapno agpatulong gapo ta kumarkaro a maap apektaran ti negosioda gapo kadagiti substandard ken peke a produkto a mailaklako iti nalaklaka a presyo
Kinuna ni Tulfo a dagiti immasideg kenkuana a negosyo ket dagiti nalalatak a kompanya nga adda ti patta patta a pakabuklan a bilang ti trabahadorda a 300,000
Gapo dayta, nakaituding a makitinnulong isuna kada ACT-CIS Reps. Edvic Yap ken Jocelyn Tulfo; District 2, Quezon City Rep. Ralph Wendel Tulfo ken Benguet Rep. Eric Go Yap tapno mangipila ti resolusyon tapno maimbestigaran ti saan a patas nga online sales practices pakairamanan dagiti offshore appliances
Kinuestioranna pay dagiti ahensia ti gobierno kas iti Department of Trade and Industry ken Bureau of Customs gapu iti panangipalubosda kadagiti kasta a produkto a sumrek iti pagilian a dida lumasat iti regulasion ti gobierno.
