Nagbalaag ti Philippine Chamber of Commerce and Industry (PCCI) a ti agtultuloy a panagngato ti presio ti produkto petrolyo ket agbalin a dagsen para kadagiti micro, small, and medium enterprises (MSMEs) a mangbukbukel iti dandani kabuklan ti sektor ti negosio iti pagilian.
Segun ken ni PCCI President Perry Ferrer, sobra a maapektaran ti operasion ken kabaelan dagiti babassit a negosio gapu ta kadawyan a bassit laeng ti profit margins-da.
Pinasingkedan ti opisial a sensitibo dagituy a negosio iti aniaman a panaggaraw ti operating costs kas ti gastos iti gasolina, transportasion, ken logistics.
Balakad ni Ferrer iti publiko a ni mapilitan nga agserra dagiti MSMEs – a bumukbukel iti 99.6% a business community ti pagilian ket dakkel a problema ti sangoen ti Pilipinas.
