--Ads--
VIGAN CITY – Tallo a lallaki nga agayayam iti tong-it ti kinemmeg dagiti otoridad idiay Brgy. Pantay Laud, Vigan City.
Nabigbig dagiti tallo a da Rommel Arca agtawen uppat a pulo ket dua, Marc Rg Rafanan agtawen dua pulo ket innem ken Jesus Pascua agtawen uppat a pulo agpapada nga agnaed iti nasao a barangay.
Basar ti report manipod Vigan City Police Station, inwayatda ti operasyon kontra kadagiti tallo a naireport nga agsusugal iti nasao a barangay ket naala kadakuada ti walo gasut lima pulo a pisos a pusta ken uppat a ribo a pisos manipod kenni Jesus Pascua ken Romel Arca.
Kalaksidan ti kwarta naala pay kadakuada ti dadduma a gambling paraphernalia kas ti maysa a set iti baraha, tallo a mono block chair ken maysa a lamisaan.
-- ADVERTISEMENT --
