VIGAN CITY – Kaso a panaglabsing ti anti-illegal gambling law ti sangwen dagiti lima a naaktuan nga agsusugal idiay Brgy. Sta. Lucia, Narvacan iti naiwayat nga anti illegal gambling operation iti nasao a lugar.
Nabigbig dagiti suspek a da Imelda Cauton, agtawen ti innem a pulo ket lima (65); Elalyn Garcia, agtawen ti duapulo ket tallo (23); Kristan Ann Aquino, agtawen ti duapulo ket dua (22); Thelma Cacas, agtawen ti pito pulo ket maysa (71); Susan Mariano, agtawen ti lima pulo ket dua (52) ken ni Natividad Aquino, agtawen ti innem a pulo ket lima (65) nga agpapada nga agnaed iti nasao a lugar ken agpapada naaktuan agtotong-its iti ruar ti pagtaengan ni Aquino.
Naala kadakuada ti dua a set ti baraha, innem a monobloc chair, maysa a wood table, maysa a plastic table ken sangaribo uppat a gasut siam a pulo ket lima a pisos.
Ikoten dagiti pannakabagi ti linteg ti Narvacan dagiti suspek para iti proper documentation ken disposition.
