--Ads--

VIGAN CITY – Natay ti lalaki a nagmaneho iti motorsiklo a naaksidente idiay Bannuar, San Juan idi tingnga iti rabii idi kalman, October 13.

Nabigbig ti biktima a ni Kenneth Banjo Urata nga agtawen ti dua pulo ket uppat, baro ken agnaed idiay Sabangan, San Juan.

Agpapa-abagatan ni Urata iti national highway ti Brgy. Bannuar idi mapapati nga inagaw na iti linya iti kinasinnabet na a Pajero a minaneho ni Lexter Dave Galano nga agtawen ti dua pulo ket dua, baro ken agnaed idiay Namnama, Sinait.

Agsipud iti dayta, nagsagaba iti nakaro a dunor iti ulo ti biktima ket naitaray idiay Pira Clinic and Hospital, Cabugao ngem naideklerar a dead on arrival idinto a ti nagmaneho ti Pajero ket saan a naan-ano ken naipan idiay San Juan police station para iti proper disposition na.

RELATED ARTICLESMORE FROM AUTHOR