VIGAN CITY – Aksidente a nadungpar ti menor de edad a nagmaneho ti motorsiklo ti maysa nga ubing a babai idiay Brgy. Subec, Sta. Catalina.
Ti biktima ket agtawen ti tallo a babai nga agnaed ti nasao a barangay idinto a ti nakadungpar kenkuana ket maysa a menor de edad nga agtawen ti sangapulo ket uppat nga agnaed ti Brgy. Paratong, Sta. Catalina.
Segun ti Sta. Catalina Municipal Police Station, rimmuar ti biktima iti lakonda ket bayat iti pinnagnana ket aksidente isuna a nadungpar ti driver ti maysa nga Orange Mio 125.
Agpapada a nadunor ti ubing ken driver a menor de edad pakairamanan ti kalubbonna a menor de edad met laeng nga agtawen ti sangapulo ket dua. Naipaagas idiay Northside Doctors Hospital ti agtawen tallo a biktima idinto a naipan idiay Ilocos Sur Provincial Hospital Gabriela Silang dagiti nagkalubbon ti motorsiklo.
