VIGAN CITY – Dead on arrival ti maysa a lalaki nga ubing a nagbekkel iti ili ti Narvacan.
Ti biktima ket agtawen iti walo, grade 2 pupil, agnaed iti nasao nga ili.
Maibasar iti imbestigasyon, nagriri ti biktima ken ti kabsatna a babai a grade 3 pupil nga agtawen iti siam gapu iti junk food.
Nagawid ti biktima iti pagtaenganda idin ta nadlaw dagiti kabbalayna a saan a nagsubli iti nakurang maysa oras.
Idi napan kinita ti inana, awan puoten ti biktima a nakabitin iti ceiling ti comfort room-da babaen ti tali a naiputipot iti tengngedna.
Dagus a winarwarda ti tali manipud iti bagi ti biktima sa intarayda iti ospital para iti naan-anay a pannakatamingda ngem saanen a nakalasat.
VIDEO AUDIO OF PMAJ. ALEXANDER DANGLI
Inyunay-unay met ti ina ti biktima nga ipatpategna dagiti annakna ket saanna a nagayatan ti napasamak ta saanna nga impagarup a maaramid dayta ti anakna agsipud ta ammona met a natulnogda nga agkakabsat.
Iti pannaki-uman ti Bombo Radyo Vigan iti ina ti biktima, saanna nga inung-ungtan ti anakna ken inanawana laeng ida ti kabsatna gapu iti pananglukat ti manang ti biktima iti kankanen nga insangpet ti amada a puon ti nagpuntwanna.
VIDEO AUDIO – INA TI BIKTIMA
