Maysa nga agtawen-iti-sangapulo ket dua nga ubing ti nadungpar iti pick-up iti provincial road ti Barangay Darapidap, Candon City, Ilocos Sur.
Nabigbig ti nagmaneho iti Mitsubishi Estrada pick up a ni Charlie Cortez, agtawen iti limapulo ket innem, taga-Barangay Calangcuasan, Salcedo.
Ti met ubing ket agnaed iti Barangay Darapidadp iti nasao a siudad.
Iti pannaki-uman ti Bombo Radyo Vigan ken ni PLT. Jovelyn Antalan, agay-ayayam iti soccer ti ubing ken dagiti kakaduana ket idi naipalladaw ti bola iti barangay road ket tinaray ti biktima nga isu met ti gundaway a nadungpar daytoy ti pick up.
Pinadas ti drayber ti pick-up a lisyan ti ubing babaen ti panagakarna iti bangir a linya ngem nadungparna latta ti ubing.
Nagsagaba ti ubing iti dunor ti akin-kannawan a tumengna, akin-kannawan a takyag, akin-kannawan a siko ken lamma iti akin-kannigid a kidayna.
