Natay iti pammaltog idiay Barangay Patong, Magsingal, Ilocos Sur ti mannalon a ni Roldan Villanueva Urmaneta, agtawen iti duapulo ket tallo, agnaed iti nasao a lugar.
Iti pakpakauna nga imbestigasyon, nakaawat ti biktima iti tawag ti telepono manipud iti unknown caller sa napan iti barangay road, ket bayat ti panagtaktakderna, namin-adu a daras a pinaltugan ti saan pay a nabigbig a suspek.
Naipan ti biktima iti Ilocos Sur District Hospital – Magsingal babaen ti pamiliana ngem naideklara a dead on arrival.
Naisayangkat ti dragnet operation babaen ti koordinasion kadagiti asideg a police stations tapno makemmeg ti saan pay a nabigbig a suspek.
Nagkiddaw ti Magsingal Police station iti tulong manipud iti Provincial Forensic Unit (PFU) ti ISPPO tapno maproseso ti nakapasamakan ti krimen.
