Natay ti maysa nga agtawen-iti-dua nga ubing gapu iti panangdangran ti stepfather-na iti ili ti Magsingal, Ilocos Sur.
Iti pannaki-uman ti Bombo Radyo Vigan ken ni Barangay Captain Berdandino Talapian, nakainom ti stepfather idi mapapati a binekkel ken kinabkabilna ti siumanna.
Dagus a naglibas ti suspek a kimmamang iti kabakiran kalpasan ti inaramidna iti siumanna.
Paglibakan ti suspek ti inaramidna ta ti kunana ket ub-ubbaenna ti siumanna iti dayta a gundaway ngem naikaglis isu a naglemma ti bagbagina.
Ti met biktima nga agas-asogen idi makitati ikitna ket dagus met nga inarayatda nga impan iti ospital ngem kalpasan ti sumagmamano nga aldaw ket saannan a nalasatan.
Mayur-uray ti resulta ti autopsy ti biktima tapno maamuan no ania ti posible a nakatayanna.
