VIGAN CITY- Saan a panagkinnawatan ken pannakabartek iti kangrunaan a rason nu apay a tinagbat ni Jessica Chang, agtawen iti dua pulo ken taga-Puro, Magsingal iti uliteg na a ni Alfonso Bael, agtawen iti uppat a pulo ket tallo nga agnaed met laeng iti nasao a lugar.
Ti imbestigasyon ti Magsingal PNP nga idaulwan ni OIC- COP PInsp. Marlon Saupan, nagsakit iti nakem ni Chang idi nagsao-sao ti uliteg na nga inbati da nga agin-inom ta ti rikna na ket napabainan iti sangwanan dagiti dua a gagayyem na a kinasango da a naginom isu a kinomprontar na ket nagginnubal da nga aguliteg agingga a tinagbat nan iti uliteg na a isu a nadunor iti ulo, rupa ken akin-kannigid nga ima ti biktima.
Nu pay kasta, saanen a makasoan ti suspek ta isu iti desisyon ti pamilya da ngem inbalakad ni Saupan a sabali pay laeng iti pagnaedan ti suspek ta naamuan a ti biktima ket isu iti tumaktakder a guardian na.
