VIGAN CITY – Natay iti maysa a nga ubing a babai nga agtawen ti innem kalpasan a nadungpar iti tricycle idiay Brgy. Dili, Sta. Cruz.
Nabigbig ti biktima a ni Kamille Barbado agtawen ti innem ken agnaed ti nasao a lugar.
Iti pannak-uman ti Bombo Radyo Vigan kenni Kristine Barbado, ina ti biktima, nakaballasiw ti kalsadan iti anak ngem nasagid iti tricycle a napaspas iti pataray na gapo iti panagovertake na.
Nagsagaba iti dunor iti nadumaduma a paset iti bagi na ti biktima a naitray idiay Ilocos Sur District Hospital. Brgy. Bio, Tagudin ngem naideklara a dead on arrival babaen iti attending Physician na a ni Dra. Joanna Tipallo.
Ti agdaman addan iti napagtungtungan ti pamilya iti biktima ken iti driver ti tricycle a ni Edrward Tud Bautista nga agnaed ti Brgy. Paratong, Sta. Cruz.
