VIGAN CITY – Innem a tattao iti nakemmeg gapu iti panagsugal da idiay idiay Barangay Bulala Norte, Vigan City idi alas tres singkuwenta y singko iti malem idi kalman, October 20.
Nabigbig dagiti nagsusugal a da Solomon Asherto Javier nga agtawen innem a pulo ket pito ken naasawaan; Rosalino Almatiar Abang, agtawen lima pulo ket uppat, naasawaan; Edeliza Quiroel Parel, agtawen uppat a pulo, balo; Jaime Javier Chicote, agtawen lima pulo ket tallo, naasawaan; Edward Tabbada Regua, agtawen tallo pulo, naasawaan kenni Dominic Javier Ramos nga agtawen uppat a pulo ket maysa, balo nga agpapada nga agnaed iti nasao a lugar.
Naala manipod kadagiti suspek ti dua a set iti braha ken pusta a lima gasut ket maysa a pisos.
Agsipud iti dayta, panaglabsing ti presidential decree 1602 iti sanguen dagiti nakemmeg nga agsusugal.
