--Ads--

VIGAN CITY – Napalaus iti panagyaman ni Agriculture Secretary William Dar agsipud ta naan-anayen iti panagbalin na a secretary ti Department of Agriculture ta pinatibkeranen ti Commission on Appointments iti panangipatugaw kenkuana ni Presidente Rodrigo Duterte iti nasao a posisyon.

Ti pannaki-uman ti Bombo Radyo Vigan ken ni Dar, saan laeng a dagiti kameng ti Commission on Appointments kenni Presidente Duterte iti pinagyamanan na nu di ket pati dagiti kailyan na ditoy Ilocos Sur, nangruna dagiti taga- Sta, Maria gapu iti suporta nga ipapaay da kenkuana a kas mangidaulo ti DA.

Kagiddan iti dayta ket inkari ti agriculture secretary nga aramiden na amin a kabaelan na tapnu maipatungpal na a naimbag dagiti obligasyon ken responsibilidad a naipabaklay kenkuana.

Ni Dar a tubo ti Danuman East, Sta. Maria ket isu iti nangsukat ken ni dati nga Agriculture Secretary Manny Piñol.

RELATED ARTICLESMORE FROM AUTHOR