Nangipila ti reklamo a cyberlibel ni Agriculture Secretary Francisco Tiu Laurel Jr. idiay Makati City Prosecutor’s Office kontra kada Atty. Levi Baligod ken dati nga Ako Bikol Partylist Rep. Zaldy Co.
Segun ken ni Laurel, dayta ket maipanggep iti mapapati a madi a koneksyon kenkuana iti isyu nga adu iti maleya a kuarta a naited kadagiti sumagmamano nga indibidual.
Ti nasao nga addang ket kasaruno iti sarita ni Co idi napan a tawen mainaig iti Department of Agriculture kadagiti alegasyon iti anomalia iti importasyon iti bagas, sibuyas, asukar ken ikan.
Nainget a pinaglibakan ni Laurel dagiti akusasyon ken impaganetgetna nga awan iti pagibasaran dagiti nasao a banag.
Kinunana a ti panagipila iti kaso ket paset iti panangsalaknib iti reputasyonna ken tapno masigurado a ti publiko ket saan a maiyaw-awan iti madi nga impormasyon maipanggep iti sektor iti agrikultura.
